Erasmus Programı Haqqında Tam Bələdçi: Şərtlər, Üstünlüklər və Çətinliklər

Xaricdə təhsil imkanlarını düşündükdə, ilk ağla gələn seçimlərdən biri məhz Erasmus programı olur. Çünki bu proqram Avropada tələbələr üçün ən geniş yayılmış mübadilə imkanlarından biridir. Bəs, Erasmus niyə bu qədər populyardır? Əslində bu proqram həm akademik, həm də şəxsi inkişaf baxımından tələbələrə çoxlu fürsətlər yaradır. Xaricdə oxumaq arzusunda olan hər bir gəncin bilməli olduğu ən vacib detallar məhz buradadır.

Erasmus Programı - Əsas Mahiyyəti

Erasmus Programı mahiyyətinin ən sadə cavab budur: Avropa İttifaqı tərəfindən dəstəklənən tələbə mübadilə proqramıdır. Bu proqram Avropadakı universitetlər arasında tələbələrin bir, iki və ya üç semestr ərzində oxumasına şərait yaradır. Əsas məqsəd – tələbələrin müxtəlif ölkələrdə təhsil alaraq biliklərini və təcrübələrini artırmasıdır.

Bu proqram sadəcə akademik tərəfi ilə məhdudlaşmır. O, həm də mədəni inteqrasiya, dil bacarıqlarının inkişafı və beynəlxalq əlaqələrin qurulması baxımından çox faydalıdır. Tələbələr yeni mühitlərdə oxuyur, fərqli insanlarla tanış olur və dünyagörüşlərini genişləndirirlər.

Erasmus Nedir? Mübadilə Proqramı ilə Təhsil Pilləsinin Fərqləri

Erasmus nedir sualına cavab axtararkən 2 nəticə tapacaqsınız. Belə ki, bu proqram həm mübadilə, həm də təqaüd anlayışlarını özündə birləşdirir. Əslində fərq belədir:

• Erasmus mübadilə proqramı – tələbələrin müəyyən müddətə (adətən 3–12 ay) Avropanın digər universitetində təhsil almasını nəzərdə tutur. Yəni əsas məqsəd təcrübə qazanmaq və fərqli təhsil mühitində oxumaqdır.

• Erasmus təqaüdü – tələbəyə bu müddət ərzində yaşayış, yemək və digər gündəlik xərcləri qarşılamaq üçün verilən maliyyə dəstəyidir. Yəni təhsil pilləsini reallaşdırmaq üçün maddi imkan yaradır.

Başqa sözlə desək, mübadilə proqramı sizə 1 semestr ərzində təhsilini Avropa universiterlərində davam etdirmək şansı təklif etsə də, təqaüd sizə bütün təhsil pillənizi burada tamamlamaq imkanı yaradır.

Erasmus Programı Qazanmaq Üçün Şərtlər

Erasmus programı qazanmaq üçün tələbələr müəyyən şərtlərə cavab verməlidirlər. Bu şərtlər ölkədən-ölkəyə və universitetdən-universitetə fərqlənə bilər, amma ümumi prinsiplər belədir:

1. Tələbə statusu – Erasmus proqramı yalnız universitetdə oxuyan bakalavr, magistr və ya doktorant tələbələrə açıqdır.

2. Akademik göstəricilər – Qəbul üçün GPA (orta qiymət balı) minimum tələbi var, adətən 2.0 və ya 2.5-dən yuxarı olmalıdır.

3. Dil bilikləri – Çox vaxt təhsil alınacaq ölkənin dili və ya ingilis dili üzrə müəyyən səviyyə tələb olunur.

4. Universitetin razılığı – Erasmus üçün müraciət etmədən öncə öz universitetinizin beynəlxalq əlaqələr şöbəsinin təsdiqini almaq vacibdir.

Bu şərtləri yerinə yetirmək müraciət prosesinin ilk mərhələsidir. Növbəti mərhələdə isə sənədlərin hazırlanması və seçim müsahibələri olur.

Proqramının Üstünlükləri

Erasmusun tələbələr üçün bir çox üstünlükləri var. Xaricdə təhsil almaq yalnız diplom üçün deyil, həm də şəxsi inkişaf üçün böyük fürsətdir. Gəlin bu üstünlüklərə nəzər salaq:

• Akademik inkişaf: Tələbələr fərqli universitetlərin proqramlarından yararlanaraq biliklərini artırırlar.

• Dil bacarıqları: Xarici mühitdə yaşamaq öyrənilən dili daha sürətli inkişaf etdirməyə kömək edir.

• Karyera imkanları: CV-də Erasmus təcrübəsi işəgötürənlər üçün müsbət göstəricidir.

• Mədəni təcrübə: Fərqli ölkələrdə yaşamaq tələbələrin dünyagörüşünü genişləndirir.

• Yeni dostluqlar: Erasmus, tələbələrə müxtəlif millətlərdən olan gənclərlə ünsiyyət qurmaq imkanı verir.

Bu üstünlüklər tələbələrə həm təhsil, həm də şəxsi həyatlarında böyük dəyər qatır.

Proqramın Çətinlikləri

Əlbəttə, Erasmusun üstünlükləri ilə yanaşı müəyyən çətinlikləri də var. Hər bir tələbə bu prosesə başlamazdan əvvəl bu tərəfləri də nəzərə almalıdır:

• Mədəni fərqlər: Yeni mühitə uyğunlaşmaq bəzən çətin ola bilər.

• Maddi məsrəflər: Erasmus təqaüdləri olsa da, bəzi xərclər tələbənin üzərinə düşür.

• Dil baryeri: Yeni ölkədə tamamilə fərqli dildə təhsil almaq əvvəlcə çətin görünə bilər.

• Ailə və dostlardan uzaqlıq: Uzun müddət başqa ölkədə yaşamaq emosional baxımdan çətinlik yarada bilər.

Amma bu çətinliklər çox vaxt tələbələrin inkişafı üçün dəyərli təcrübəyə çevrilir.

Erasmus Programı Üzrə Necə Müraciət Etmək Olar?

Erasmus programı üzrə müraciət prosesi adətən bir neçə mərhələdən ibarətdir. Bu mərhələlər belədir:

1. Universitetin beynəlxalq əlaqələr şöbəsinə müraciət etmək.

2. Lazımi sənədləri toplamaq (sənədlərin siyahısı aşağıda qeyd olunub).

3. Daxili seçim müsahibəsində iştirak etmək.

4. Qəbul aldıqdan sonra təqaüd və viza müraciətlərinə başlamaq.

Müraciət prosesi ciddi görünsə də, düzgün hazırlaşdıqda hər şey qaydasında gedir.

Lazım Olan Sənədlər

Proqrama müraciət edərkən tələbələrdən müəyyən sənədlər tələb olunur və bu sənədlər düzgün şəkildə təqdim edilməlidir. Çünki sənədlər həm sizin akademik biliklərinizi, həm də proqramda iştirak üçün uyğunluğunuzu təsdiqləyir. Əgər hər şeyi vaxtında hazırlasanız, qəbul olunmaq prosesiniz daha rahat keçəcək.

Ən çox tələb olunan sənədlər bunlardır:

1. Müraciət forması – Universitetin və ya Erasmus ofisinin təqdim etdiyi rəsmi ərizə formasıdır.

2. Transcript (qiymət cədvəli) – Sizin indiyədək topladığınız akademik nəticələri göstərir.

3. Dil sertifikatı – Çox vaxt İngilis dili (TOEFL, IELTS və ya universitetin daxili imtahanı) biliklərini təsdiq edən sənəd tələb olunur.

4. Motivasiya məktubu – Erasmus proqramına qoşulmaq istəyinizin səbəblərini, hədəflərinizi və gözləntilərinizi izah edən vacib yazıdır.

5. CV (tərcümeyi-hal) – Akademik və şəxsi təcrübələrinizi qısa şəkildə təqdim edən sənəd.

6. Pasport surəti – Səyahət və viza prosedurları üçün tələb olunur.

7. Tövsiyə məktubu (bəzi universitetlərdə) – Müəllim və ya fakültə rəhbəri tərəfindən verilən rəy məktubu.

Burada vacib məqamlardan biri də odur ki, sənədlərin hazırlanması üçün son tarixləri qaçırmamaq lazımdır. Çünki universitetlər sənədləri qəbul etdikdən sonra seçim prosesinə başlayır və gecikən müraciətlər nəzərə alınmır.

Erasmus Təqaüdü və Maliyyə Dəstəyi

Erasmus proqramında təqaüdün məbləği ölkədən-ölkəyə və bəzən universitetdən-universitetə dəyişir. Təqaüdün məqsədi bütün xərcləri tam qarşılamaq deyil, sadəcə tələbənin yaşayış və gündəlik ehtiyaclarını qarşılamaqda dəstək olmaqdır.

Ümumiyyətlə, aylıq ödənişlər belə qruplaşdırılır:

Şəkillər: